Amanecer

L'amanecer o l'amanecida ye'l momentu cuando la parte cimera del Sol traviesa'l planu del horizonte y pasa al hemisferiu visible. Esto ye, cuando'l so altor astronómicu ye cero pasando de negativa a positiva. Si'l discu del astru ye apreciable —casos del Sol y de la Lluna— l'amanecer produzse cuando'l so llimbu cimeru toca l'horizonte. Nel casu del Sol esto asocede nel amanecer, tando'l so centru a 90º 50' del cenit: a los 16' del radiu solar, hai que añader 34' por cuenta de la refraición atmosférica, resultando esos 50' más. Cuando se ve" el llimbu solar rasante col horizonte, realmente, según demostróse munches vegaes, entá s'atopa 34' per debaxo d'él.^[1]

Un casu particular del amanecer ye l'amanecer heliacu. El de Sirius en particular tuvo una especial significación pola so rellación col establecimientu del primer calendariu solar, el calendariu exipciu, del cual somos herederos. Les estrelles circumpolares nun tienen amanecer nin aséu.

1. ↑ Se expresa en unidades angulares.